كيك بالفلان باردة روعة

المقادير :

2 بيضات
3 معالق ك سكر
6 معالق كبار زيت
6 معالق ك حليب
6 معالق ك دقيق
خمارة حمراء

طريقة التحضير :

نخلط كولشي و نكبا فمول مدهون بالزبدة و مرشوش بالطحين وندخلوه للفرن و راها مكتديشي الوقت بزاف فطياب حيت كتجي رقيقة
و المول ضروري يكون داك للي كيتفتاح
نخليوها تبرد و ندوزو كريم باتسيير أنا درت هداك للي كيتباع واجد راه الطريقة مكتوبة فيه و زدت معاه تقريبا معلقة كبيرة ديال النشا باش جا عاقد مزيان و مباشرة من البوطة كبيتو فوق الكيك ودخلت الكيك للثلاجة نخليواه حتى يبرد

ندوزو للفلان
نصف لتر عصير برتقال طبيعي
2 فلان ديال درهم
3 معالق كبار سكر
كنخلطو كلشي و نغليو الخليط و مباشرة من البوطة نكبوه فوق الكريم باتسيير البارد و ندخلو الطارط لللاجة حتى تبرد ونحيدو الجناب ديال المول و نقدمها بالصحة و العافية .