صايبي العكر الفاسي في الدار و فقصي العطار

السلام عليكم حبيباتي و مرحبا بيكم على لالة سناء موقع المرأة المغربية اليوم غنقدم ليكم كيفاش تصايبي العكر الفاسي في الدار و فقصي العطار هههههه

انا العكر الفاسي تنسيبو غبر فالدار خصوصا في فصل الربيع تنصايب بزاف و نخبيه.

مكونات و طريقة تحضير لعكر الفاسي 

و هده هي الطريقة باش تصايبي العكر الفاسي في الدار خودي بلعمان شدي الوراق ديالو بوحدهم عادي تحتاجي بزاف غير سيري لشي ربيييع وبقاي تنتفي تنتفي حتى تعياي ههههه و يقوليك راجلك ندمتيني لاش خرجتك ههه كيف دار ليا راجلي خرجني انا وادم و هو يبان ليا بلعمان نابت و سط الربيع ههه و انا نولي بحال شي تور الى بان ليه لون احمر و انا نقول لراجلي وووقف خلعتو ماعرف باش تبلا مسكين وهو يوقف الطونوبيل و هبت بقيت تنتف تنتف بحالا تقولو بغيت نتغدى بيه و راجلي تيغوت هو وولدي معقلتش عليهم ههههه حتى سخفت عاد مشيت ووسخت ديك الطونوبيل مسكينة هههه و راجلي بقا يغوت عليا ندمتو لاش خرجني ههههه ولكن اش غادي ندير انا عزيز عليا نسايب الحاجة بايديا حسن منشريها ههه المهم نرجعو الموضوع ديوش عليا راني ترتارة هههههههه 

اوا اللالة ستفي لوراق فوق شي شبكة و لا غربال لمهم مديريش وحدة فوق وحددة من الاحسن ديري وحدة حدى وحدة و ديريه في الشمس و خليه ينشف مزيان حتي يتكرمل و يولي قاسح بحال الشكل ديال وراق الحنة و طحنيه و هاهو عندك العكر الفاسي من صنع ايديك بلا متشريه