تجربتي لكريم طبيعي للبشرة الدهنية ديال غزلان مكوار بالصور

موقع الوصفات الطبيعية الفعالة موقع لالة سناء يقدم تجربتي لكريم طبيعي للبشرة الدهنية ديال غزلان مكوار بالصور من عند الاخت ثروتي ديني.

كاتبة الموضوع ثروتي ديني : اخواتي الدهنيات مرحبا بكم وردو بالكوم ماتزلقو حيت مفرشة زرابي ديال ليدام.هههههه

ليوما جيت نشارككوم بتجربتي لكريم النهار طبيعي ومن صنع يدي لكن الوصفة خديتها من صباحيات دوزيم. وملي عجبوني نتائجها ڭلت نحطها لتعم الفائدة.

على بركة الله ندوزو للمقادير ولللكن انا ماحتارمتش الڭراماج ومادرتش واحد المكون لي هو زيت البندق عوضتو بزيت العود لي منافعو كثييرة ولكن انا هاكا وعجباتني النتيجة ويلا درت زيت البندق اكييييييد كتعجبني اكثر.

المقادير:

21غرام من زيت البندق+8 غرام من زبدة الكاريتي+36 غرام ماء الورد+راس ملعقة ديال لاڭوڭواغ(لكن كنعوضوها بالنشا حيت دورها هو تخثر الخليط)+ڤيتامين ى (ويمكن تعويضه بزيوت الاساس ودوره بحال مواد حافضة).

الطريقة:

كنخلطو زيت البندق معا زبدة الكاريتي حتي ينساجمو عاد نخلط ماء الورد والنشا بوحدهو حتى يكون خليت متماسك ومن بعد نزيدوه على الخليط الاول وحنا كنخويوه وحنا كنطربو حتي يكون عندنا خليط كريمي ثقيل نوعا ما.في الاخير نزيدو قطرات زيت الاساس(اما ديال الحامض او الزعتر او النعناع او اليزير حيت هادو كيوالمو البشرة الدهنية).

وكنديرو الخليط فبواطة معقمة وندخلوها للثلاجة كلما درنا منها نردوها للثلاجة.هو كمية قليلة لكن كتاخدو منو غير شوية كيسييييح .والطريقة باش نديروه كندخلوه فالبشرة بحركات دائرية.

للللكن انا هنا استعملت :

ملعقة كبيرة ديال زيت الزيتون+ ملعقة صغيرة ديال زبدة الكاريتي+ملعقة كبيرة ماء الورد+راس ملعقة صغيرة النشا+قطرات من زيت الاساس ديال الحامض.

وصدقوني ريحتو كتشهيييييييييي ولونو خلاص ونتائجو مبهرة ماشاء الله والحمد لله.تهنيت من المواد الكيميائية.

وفي الاخير كالعادة ايلا عجباتكوم الوصفة ماتبخلوش عليا بدعوة خير ولكن بالمثل.ونا متاءكدة ملي تجربوه يا الدهنيات مابقيتوش تشريو كريمات كيميائية.