طارت الطبقات مذاق جديد ولذيذ بالصور
السلام عليكم مرحباً بكم اعزائي زوار "موقع لالة سناء" للوصفات و الحلويات المغربية.
اليوم نقدم لكم في قسم شهيوات طارت الطبقات من تقديم امة الله
هادي طارت الطبقات تنضن كلشي عارف ليها غير انا ديما كنبدل فيها ونعملها بنكهة اخرى نتمنى تعجبكم تتجي لذيذة وراقية.
طبقة الكيكة الأولى :
- 3 بيضات
- كاس صغير سنيدة
- 1/2 كاس زيت
- 1/4 كاس ماء مغلي مذوب فيه معلقة كبيرة كاكاو (ممكن تزيدي قهوة)
- كاس و نصف طحين
- 1 خمارة
( نفس كاس العبار والكاس يكون صغر من كاس ديال العنبة)
بحال اي كيكة طربي البيض مع السنيدة وتزيدي الزيت والكاكاو ثم الطحين مغربل مع الخميرة
ودخليها طيب
ملي طابت قطعتها على حساب الاطار لي عندي
طبقة الكيكة الثانية :
- 1/2 لتر حليب
- 3 معالق كبار كريم باتسيير
- 1 بيضة
- 80 غ شكلاط اسود مذوب مع معلقة صغيرة الزبدة
- زلافة صغيرة كركاع محمر و مهرمش
- روح كراميل انا استعملت 3 معالق كبار كراميل ديال نيدو سبقت وحطيتو فهاد الرابط كراميل
- سنيدة حسب الذوق
طربي بالفورشيط البيضة مع غبرة كريم باتسيير وسنيدة وزيديه على الحليب وحركي حتا يعقاد
زيدي عليه الكراميل (ايلا عندك غير نكهة استعمليها من الاول مع الحليب)
ثم الشكلاط مذوب
واخيرا الكركاع
وكبيه على الكيكة ودخليها تبرد على منوجدو الطبقة 3
طبقة الكيكة الثالثة :
- كاس كبير عصير الليمون
- 3 فلان شكلاط او كراميل ديال درهم
- سنيدة حسب الذوق
- حركيه حتا يعقاد وكبيه على الطبقة الثانية غير بشوية انا كنستعمل صفاية باش ميتقبش ليا الطبقة الثانية
دخليها الثلاجة حتا تبرد وزوقيها حسب الرغبة ,انا زوقتها بخطوط بدانون دانيت وقطع الشكلاط
وبالصحة والراحة طارت الطبقات ها هي الصور واجدة.
salam lah yakhalik wach tabka 2w 3 kandirouhom fouk nare hata ya3kdou merci
ReplyDeletehit mawadahch wach 2 taba9at lakhirin ndirohom fo9 3afya whad l3afya wach khasha tkon mhila wachokran
ReplyDeletebnisba ltaba9a louwla hiya rah katdar fou9 3afya hta y39ad la creme patisiére m3a t7rik lmoustamir wtaba9a tanya hta hiya b7al ila ghatsaybi flan 3adi wtsma7 liya lalla amato llah 7it fsart lkika li hiya sawbat ana ghir bach lbnat ystafdou wsafi wtbarkllah 3lik hadchi ghzal w rah ana smiyty fatimzhra ghib sta3malt l email dyal rajli :D
ReplyDelete