طريقة عمل كيكة النسكافيه

اليوم عندي لكم وصفة لذيذه و لي هي طريقة عمل كيكة النسكافيه نخليكم مع مقادير و طريقة تحضير كيكة النسكافيه :

مقادير عمل كيكة النسكافيه :

 4 بيضات

 زلافة ماء

 زلافة زيت

 زلافة سكر سنيدة

 4 خمارات حمرين

 خمارة بيضاء

 فانيلا

 قبصة ملح

 3 ملاعق نيدو

 1 نيسكافي مذوبة في ربع كاس ماء

 25 غرام كاكاو

 الدقيق حسب الخليط

 (كوك + عسل) او لوز او كركاع للتزيين اختياري

طريقة عمل كيكة النسكافيه : 

نخلط البيض (لي غادي يكون خارج من الثلاجة قبل بشوية) مع سنيدة و قبصة الملحة و انا كانطرب بالخلاط اليدوي ( لي عندها الخلاط الكهربائي تستعملو يكون احسن)نزيد الزيت و الماء و القهوة الذايبة و الفانيلا و نيدوو الكاكاو مع التحريك المستمرحتى يتجانس الكل مع بعضو عاد نبدى نزيد فدقيق( الفورص لي مغربلاه و يكون ديال الحلوة ) نستمر في التحريك حتى تولي العجينة ماثقيلة ماخفيفة.. نوجد المول لي غايدخل الفران كالعادة مدهون بالزبدة او الزيت و مرشوش بالدقيق و نخوي الخليط كامل نرشو باللوز مهرمش او الكركاع اختياري و نكون مسخنة الفران.

ندخلها تطيب على عافية مهيلة و مني تخرج نقدر نزينها باي حاجة متوفرة او نخليها عادية.

ملاحظة : هاد الكيكة كاتجي كبيرة و كثيرة و كاتبغي مول يكون كبير