الكريب مالح ومعمر شهيوات مغربية

طريقة تحضير الكريب مالح و معمر على موقع لالة سناء للشهيوات و الحلويات المغربية

مقادير حشوة كريب مالح ومعمر

القليل من الكفتة 

القليل من الكروفيت 

شريحتين أو أكثر الداند مدخن وممكن تعويضه بالمورتاديلا 

أربع أو خمس أصابع من السوريمي 

بصلة مشلضة 

صلصة الطماطم 

زيت بلدية 

توابل : إبزار + سكنجبير + ملح + تحميرة + الحار إختياري 

طريقة تحضير حشوة كريب مالح ومعمر

 كنشحر البصلة في الزيت مع التوابل والملح حتى تدبال مزيان ونضيف الكفتة نفتتها مزيان حتى تطيب ونضيف الكروفيت منين يطيب نضيف صلصة الطماطم وباقي المكونات ,نخلي الحشوة تبرد على ما نحضر الكريب 

مقادير كريب مالح ومعمر

500 مل ماء 

3 بيضات متوسطين أو 2 كبار 

تقريبا 250 غ دقيق وعينك ميزانك حسب نوعية الدقيق 

ملعقة كبيرة زيت 

ملح 

رشة إبزار إختيارية 

 طريقة تحضير كريب مالح ومعمر

نطرب جميع السوائل في الخلاط الكهربائي ثم نضيف الدقيق ونطيب الكريب بالطريقة العادية

نعمر الكريب  كيف ما واضح في الصور

نمرر كريب في البيض ولاشابلير مخلط مع شوية الدقيق ويكن ليك تضيفي معاه شوية الزنجلان كيعطيه في القلي طعم رائع ولذيذ

منين نجيو نقليو الكريب خاص يكون الزيت سخون مزيان باش ميتفتحش الكريب والميتشربش الزيت 

يمكن لينا نقسمو كريب مالح ومعمر على زوج