بانيني بالكفتة و الطون ساهل و لذيذ

تحضير بانيني ساهل بالكفتة و الطون على موقع لالة سناء للشهيوات المجربة و الناجحة بالخطوات المصروة.

مقادير بانيني بالكفتة و الطون ساهل و لذيذ

كفتة قومتها بالبصلة مشلظة والعطرية والمعدنوس
كتشب
طونة
خبز بانيني
جبن شرائح
مايونيز

طريقة تحضير بانيني بالكفتة و الطون ساهل و لذيذ

بطاطا فريت عملتها فبلاستيك ملحتها وضفت لها شوية طحميرة وشوية دقيق ورجيتها مزيان حتى شفتها تخلطات مزيان وعملتها تقلى في حمام زيتي سخون وحطيتها تستقطر الفائض دالزيت في ورق غدائي

عملة الكفتة على شكل اصابع عراض وطيبتها فمقلة ناشفة حيث كطلق الادام ديالها مبغيتش ندير معها زيت او زبدة اكتفيت بالماء ديالها وليدام اللى كينزل منها..حمرتها على 2 جهات وعرفتها طابت ,دابا مبقى لي غي نعمر البانيني ديالي.

فتحة خبز البانيني و دهنته بالكتشب و درت الكفتة و الفروماج على شكل شرائح من الفوق. 

وديال الطون نفس العملية غير قبل مندهن بالكتشب خديت طريف دثومة حكيت بيه الخبز عادا باش دهنت بالكتشب ثم طون ثم الفروماج والصور كتوضح كل شيء.

شغلة سخانة البانيني تا سخنات و حطيتهم فيها لمدة 4 دقائق تقريباً و ها هو البانيني وجد.

التزيين إختياري كل وحدة تفنن في التزيين و بالصحة و الراحة البانيني.