وصفة مجربة ترجع البريق للجسم والصفاء والبياض

لالة سناء تقدم وصفة تحت طلب اختي همس انثى غادي نعطيك وصفة مجربة ترجع البريق للجسم والصفاء والبياض من الصيف للصيف يعني كل نهاية صيف تنديروها باش يتصقل الجسم ويرجع ويزيد يتنقى وما تبقى فيه حتى بقعة من الي خلاتوا لنا لالة الشمس الله يعيطنا بركتها هههههههههه 

المهم غادي نحتاجوا ان شاء الله 

مكونات وصفة مجربة ترجع البريق للجسم والصفاء والبياض

- الحنة مطحونة تكون جديدة ماشي قديمة (راه عينك ميزانك الي يقد جسمك كله) 

- معلقة كبيرة الخزامة مطحونة

- معلقة ونص الورد مطحون

- معلقة ونص بابونج مطحون

- معلقة الكمون مطحون 

- معلقة الغاسول مفزك

- عصير نص حامضة

- معلقة الصابون البلدي 

- وبطاطة محكوكة

- معلقة الزيت البلدية

طريقة تحضير و إستعمال وصفة مجربة ترجع البريق للجسم والصفاء والبياض

وتخلطي كلشي بماء الزهر  - الخلطة تكون شادة راسها يعني ثقيلة -  ديريها اما بالليل وتباتي بها وفي الصباح تمشي

للحمام او ديريها في الصباح وتلبسي حوايجك

وتخليها حتى لاخر النهار وتغسلي وتعاودي بالصابون البلدي واراي للحكان والكسال وتشوفي لحمك كيف غادي يخرج  رائع وانت غادي تفاجاي من النتيجة من اول استعمال

ودابا مع اواخر الصيف هذا وقتها ويرجع البريق  للجسم والصفاء والبياض وبالصحة والراحة.

" وصفة مجربة ترجع البريق للجسم والصفاء والبياض مجربة على الكبار والصغار "

يمكنك الإطلاع على ملخص وصفات خاصة باختصاصية التجميل لطيفة الخضراوى للمزيد من الوصفات على موقع لالة سناء زورينا يومياً.

وصفة مجربة ترجع البريق للجسم والصفاء والبياض