كيفاش تعرفي على نوع بشرتك بلا صعوبة ؟

كيفاش تعرفي على نوع بشرتك؟

قبل ان ابدأ الموضوع اعرض عليكم هذه الوصفات المجربة على موقع لالة سناء :

- قناع للتبييض الوجه جربتو و فرحني كتاشفوه تانتوما
- الماسك الصحراوي لتبييض الجسم والوجه والمنطقة الحساسة
- وصفة لتبييض المناطق الحساسة وتبييض العنق والركب والمرافق والرجلين

اي اخت تقدر تعرف بنفسها نوع البشرة الي عندها ملي تغسلي وجهك والعنق مزيان وتزولي الماكياج الى كنت عاملاه اة اي كريمات التجميل خذي مراية وسيري حدا السرجم يكون الضو ديال النهار هناك تقدري تعرفي نوع بشرتك ودبا تبعي هاذ الخطوات الي غادي توصلك لنوع بشرتك بلا صعوبة :

1- البشرة الطبيعية :

تبان لك رطيطبة وحرير لانها عادية ما محتاجة لا لماء ولا ذهون ولا والو تتبان لك نقية ولونها موحد وصافية وهاذي هي البشرة الي عندك تتسمى عادية وباش تزيدي تهلاي فيها خاصك غير اقنعة الجمال الي تتبرز الاشراقة  وتعطيها جمال بحال عاملة الليزر وماشي بزاف غير 2 حتى 3 مرات في الشهر كافية باش تعتني بها ولكن مع تقدم السن خاص العناية تكون اكثر 

2- ألبشره الجافه :

تتكون رهيفة وملي تقربي لها المراية تيبانو لك تجاعيد وخا ماشي وقتهم ومقبوضة شاحبة وحساسة في غالب الاحيان وفي هاذ النوع تيكون جوج الانواع في جفاف البشرة

3ـ البشرة الجافه بمرة الي خاصها الماء :

وهي الي تتبان مشدودة و جافة ولكن في نفس الوقت رقيقة ورطبة شوية ملي تمسيها بايديك وتقدر يكون فيها شي اماكن تحسي بهم يحرقوك وخاصة الي بشرتها بيضا و هاذوك ملي تتغسلي غالبا ما تيكونوا تجاعيد رقاق 

4ـ البشره الجافه الي ناقصها الدهون :

وهي الي تتكون مجبدة و جافه وشاحبة وما فيهاش نضارة والسبب الرئيسي يرجع لجفاف البشرة و يرجع لوجود خلل في نسبة الماء في البشره ويمكن التغلب على الجفاف عن طريق التغذيه بالحرص على فيتامين ج و أ وينصح صاحبات البشره الجافه بالامتناع عن التوابل والمواد الحارة مثل المخللات مع العنايه بنظافة البشره وأستعمال الكريمات الطبيعيه الرطبه وأقنعة البشره الجافه مره كل اسبوع

والعنايه المثلى للبشره الجافه تكمن في أستخدام الزيوت والمرطبات الخفيفه والمستحضرات المصنوعه من النباتات الطبيعية وللمحافظة على التوازن القلوي للبشرة الجافة ننصح بمسحها بعصير الخيار أو بالخل المخفف بالماء وذلك لتشجيع الخلايا على العمل واعتدال نسبة المواد الدهنية والماء بها.


5- ألبشرة الدهنية :

تتبان تتبري وتلمع ومسامها مفتوحين بزاف وباينين وتكون بحال الحرشة وماشي رطبة وتكون فيها حبوبوهي الي اكثر تعرض لحب الشباب وفيها النقط السوداء الي تنقولوا لو الريش

وباش تعتني بها خاصك تهتمي ببرنامج الاكل ما يكونش مشبع بالذهون والحارة وكذلك التوابل وتستبدلي بالخضر والفواكه بكثرة وخاصة الغنية بفتامين ب خاصك تغسلي وجهك وما تنسايش الرقبة بالماء والصابون بحال دوف مثلا او كليسيرين 3 مرات في اليوم باش ما تبقاش تطلق الافرازات الذهنية ومن بعد مسحيها بماء الورد وخاصك تعطيها اهتمام بوصفات طبيعية مرة كل اسبوع


6- البشرة المختلطة :

وهي الي تتكون جامعة بين البشرة الجافة والبشرة الذهنية بحيث تتلقاي الخدين جافين و منطقة الجبهة والذقن ذهنية وهاذ النوع خاصو عناية واهتمام خاص جدا وبنظام لانك خاصك ديري بحساب المنطقة الذهنية وكان وجهك كلو ذهني وبحساب المنطقة الجافة كان وجهك كله جاف .


7- البشره الحساسة والحساسة جدا :

وهي بشرة ناعمة تتبان فيها العروق الى كان الضعف وكذلك الشعر وتتيل للاحمرار وخاصة الي عندهم البشرة بيضا واكثر شيء في تقلبات الطقس وملي تيكون البرد قوي تتحرق لهم بزاف ودير قشور

والي عندها هاذ النوع من البشرة الحساسة خاصها تعتني بها باستخدام وصفات من الاعشاب الي فيها الزيوت المرطبة

وهكذا نكونوا عرفنا نوعية البشرة الي عندنا باش نمشيوا في الاتجاه الصحيح مع الوصفات لي كنقدم ليكم على موقع لالة سناء للعناية بجمال المرأة.