عصير ميلك شيك بالبنان كيحمق
السلام عليكم زوار موقع لالة سناء الغزالات نتمنى تكونو بالف خير.
ونتمنى جربوا هاد العصير اللي كيجي بحال ميلك شيك وكيحمق وحتى دراري غيعجبهم وكل مرة كنوع فيه هنا زينتو بالموز وشوية قرفه كتعجبني مع البنان.
مقادير عصير الميلك شيك بالبنان :
- موز حبة اوا حبتين حسب الحجم
- لتر حليب
- دانون فاني او دانون بنان اللي متوفر عندكم
- 1 ساشي ديال فلون فاني
- ساشي فاني
- وسكر حسب الذوق
طريقة تحضير عصير الميلك شيك بالبنان :
ناخذ نصف لتر حليب ونخلطوه مع الفلان و2 معالق سنيدة حسب الرغبة ونحطوه فوق البوطة حتى يغلا مع تحراك المستمر ونديروه فشي زلافة حتى يبرد واد ندخله الثلاجة يكمل تبراد دياله .
ملي يبرد خرجيه وكبيه في مولينيكس وزيدي عليه دانون فاني او ديال البنان اللي متوفر عندك وساشي فاني ونصف لتر حليب و3 معالق سنيدة ,والموز المقطع وخلطي مزيان حتى يدوب لفلان وتمتعي بألذ عصير مداق لا يقاوم.
ملاحظة : الا بغيتوه خاتر اكثر ممكن تستعملو غير نصف لتر حليب وتقسموه على 2 ,وممكن تنوعو ديروه بالفاكهة اللي حبيتوكيجي زوين
ممكن عوض البنان ديرو فريز وعوض فلان فاني ديرو فلان فريز وعوض دانون فاني ديرو دانون ديال فريز كيجي كيحمق
وممكن ديروه حتى بالشكلاط غير عوض فلان فاني ديري فلان شوكولا وعوض دانون فاني وساشي فاني ديري 2 معالق كبار بودوة كاكاو.
عصير الميلك شيك بالبنان نتمنى تجربوه ولا نسوني من صالح دعائكم
Post a Comment