زيت للشعر خلطة جد رائعة طولات ليآلشعر ونبتاتو
السلام عليكم زوار موقع لالة سناء انا رشيدة اليوم حبيت نشارك معاكم تجربتي الشخصية فزيت للشعر خلطة جد رائعة طولات ليآلشعر ونبتات ليا انا كان شعري في الاول مزيان ولكن درت واحد العملية من بعدها طاح ليا شعري بصورة خيالية ولاو عندي صلاعي وكان كطح ليا بحالتكولو فيا شي مرض الله يحفظ وكنت سمعت من عند بنت خالتي هد الوصفة وجربتها من داك نهار عمرها ماخطاتني سمحولي لاطولت عليكم مهم هاهي الوصفة والطريقة :
كنحتاجو مرارة ديال العجل مهم ماشي ديال الخروف، كنحليها فمها من فوق ونعمروها بالحرمل ونعلقوها في بلاصة مظلة حتى يشرب الحرمل داك الماء ديال المرارة مدة 4 أيام اولا 5 أيام ويمكن كتر المهم نتي مرة مرة قلبيها بيديك تايبان ليك الما ديالها كلو تشرب من بعد نحلوها نخوويها فشي صينية ونحطوها في الشمس تنشف من بعد نطحنو لحرمل ونديروه في قرعة تكون شوية كبيرة نزيدو للحرمل قرعة ديال زيت الثومة وقرعة ديال زيت الحلبة ودروس ديال الثومة مفرشخين بقشورهم وطريف ديال شوك القنفد محروق فوق البوطة ومطحون ونبداو نكبو زيت العود بشوية بشوية وحنا كنحركو بالمعلقة حتى يولي عندنا خليط بين وبين ونسدو القرعة ونخبوها في بلاكار 48 ساعة حتى طلق مزيان ونشقو شعرنا بالخلطة من بعد 2سيمانات من الوصفة كتبا النتيجة
را واخا تقطعيها شعر كتساقط بنسبة قليلة.
وصفات طبيعية سابقة :
Post a Comment