خطبني و ما بقاش كيما كان نصحوني راني تفقصت

السلام عليكم و رحمة الله ، انا إسمي جميلة بلا منذكر الكنية .. انا عمري 23 سنة مزدادة بمدينة ترودانت ،، قبل ما نبدى المشكل ديالي بغيت نشكر موقع لالة سناء لي تاح ليا هد الفرصة باش نفرغ هد الهم لي فيا ، المهم المشكل لي عندي هو معا خطيبي او بالاحرى معاه و معا ماماه ، انا تخطبة نهار الخميس شهر 4 في عام 2013 ، المهم انا مكنتش كنعرف هذ السيد لي خطبني من قبل حتى جا لدارنا (زواج تقليدي) لمهم انا قبلة معا مكنقرى ما كنخدم و بغيت نتزوج نخرج من العزوبية و دار الواليدين بحال اي بنت ، لمهم من بعد خرجة معاه شحال من مرة لمدينة و تعرفة عليه مزيان صارحة عجبني و هو مازال صغير فايتني ب 4 سنين ،، المهم من بعد بشهرين درنا العقد و قررنا نديرو العرس في شهر 8 و كلشي وافق ، قبل من العرس بحكم دارهم قريبة شوية لدارنا كتعيط ليا مو نڭلس معاها ف دار و نعاونها مرا مرا حتى زعمات عليا ( الصراحة ولات كتبان ليا قاصحة ) ، منين وصل وقت لعرس جات مو لدارنا و هو ما جاش قالت لينا راه جاتو خدمة ضاروري لكازا (هذشي بلا ميعلمنا ) و قالت لينا راه قررنا انا و ولدي بلا منديرو لعرس نوفرو فلوسو و تجي لبت ل دارها سافي !!! و انا دابا مقلقة بزاف تصلت بيه قاليا لي داكشي لي قالت مو واك واك فقصني ، و بابا قاليا لي بغيتي آ بنتي ، خالتي قالت ليا بلاش ڭاع طلقيه إيجيب الله واحد آخر ، لبنات بليز نصحوني راني واحلة و سمحوا ليا فشيت عليكم قلبي.

نصحوا الأخت جميلة بوضع تعليق اسفل الموضع .