قناع قنبلة خاص بتبييض البشرة و الاماكن الحساسة وترطيبها وازالة التجاعيد
قناع قنبلة خاص بتبييض البشرة و الاماكن الحساسة وترطيبها وازالة التجاعيد
موقع لالة سناء للوصفات الطبيعية و العناية بجمالك : طبعا جبت ليكم اليوم قناع قنبلة والله ما تندمي الى جربتيه ، عملت كذا قناع طبيعي ولكن هذا عمري ما استغني عليه رائع من اول استعمال تبان لك النتيجة خاص بتبييض البشرة وترطيبها وازالة التجاعيد وكذلك بالنسبة لسواد الاماكن الحساسة والعنق والركب والكواعي والمرافق واي بلاصة حكلا في الجسم او بقعة مغلوق لونها على لون الجسم تتبياض بالتجريب والنتيجة جد رائعة وملفتة للنظر ، ساهل ماهل غير نفضي عليك الكسل وحضريه واراكي للبياض الناصح بلاما نطول عليكم
نخليكم مع مواد القناع وطريقة تحضيره :
- قشرة 3 بنانات مقطعين طريفات صغار
- بطاطة مصلوقة ومقشرة
- نصف حامضة بقشرتها
- كأس حليب صغير
طريقة تحضير و إستعمال قناع قنبلة خاص بتبييض البشرة و الاماكن الحساسة وترطيبها وازالة التجاعيد
نعملوا الكل في الخلاط الكهربائي ونطحنوهم حتى نحصلوا على خليط متجانس وثقيل عمليه في شي طاسة او قرعة فمها واسع ودخليه للثلاجة غادي يكحال من الوجه لان البنان بسرعة تيكحال ،المهم بعدما تغسلي وجهك بصابون الحجرة او اي منظف موالفة عليه وديري القناع على عنقك ووجهك وخليه حتى يبس.
القناع غادي يحكال اللون ديالو من بعد 30 دقيقة عملي حركات دائرية وانتي تترطبي ايدك في الماء ومن بعد غسليه وتشوفي راسك كيف غادي يبان لك
وبالنسبة لاي بقعة في الجسم او المناطق الحساسة ديريه بالليل وخليه حتى للصباح وغسلي وداومي عليه مدة قصيرة تشوفي النتيجة الرائعة و بالصحة والراحة قناع قنبلة خاص بتبييض البشرة و الاماكن الحساسة وترطيبها وازالة التجاعيد بغيت دعوات الخير من عندكم .....
والله يبض وجوهكم يوم تسود الوجوه
lahuma amine , lahy79e9 lik matmniti f khatrek
ReplyDeleteالله يخليك اختي و يعطيك ما تتمناي يا رب
ReplyDeleteallah yahafdak wach ndirou hata l contour des yeux merci et meme pour la peau sensible merci
ReplyDeleteالله يرزقك ما كتمناي فخاطرك يارب امين ..شحال المدة لي يصبر لينا هاذا الخليط فالثلاجة
ReplyDeleteواش نديرو الماسك يوميا او مرة فالاسبوع .
merci inchalah njarbi allah ye3tik manawya fi khatrek inchalah
ReplyDeletemerci okhti ala had lwasfa ra2i3a barakallaho fik
ReplyDeleteandakom rah fih lhamed w had chi ye9der yderr l bachra l hassassa ..awal chay jerboh f chi blassa sghira f lyed aw dher dyal wden
ReplyDelete