شهيوات لالة مولاتي Lala Moulati ميد راديو

اليوم نقدم لكم أعزائي على موقع لالة سناء موقع الطبخ و الحلويات شهيوات مغربية من وصفات ميد راديو Medradio لالة مولاتي Lala Moulati ، ملخص لأشهى الأطباق المقدم على برنامج لالة مولاتي .

 لالة مولاتي سلوى من مراكش تقدم بريوش بيتزا - بسطيلة بدجاج و الفرماج

مقادير بريوش بيتزا

- قياس فورص لي بغينا
- كاس حليب كبير
- معلقة زبدة
- خميرة معجونة
- ملح
- شوية زعتر

طريقة تحضير بريوش بيتزا

نعجنو العجينة عادي وندلكوها ونديرو منها خويرات
ناخدو مول مدهون ونستفو فيه الكويرات ونخليوهم ارتاحو
ناخدو مطيشة الحك 3 معالق تقريبا نديروها فمقلة نزيدوها شوية ماء و ملح و ابزار و سكر ونخليوها تغلا شوية نزيدو شوية زيت العود ونخويوها فوق دوك الكويرات ونكونو موجدين حتى البصلة
ناخدو البصلة مشلضة ومحمرة في المقلة مع شوية زيت وملح و ابزار نخويوها من فوق مطيشة حتى هي
ناخدو كاشير نحكةه حتى هو من الفوق و ناخدو طون نديروه حتى هو و نخليوها تخمر شوية وندخلوها طيب بعد ما رشينا بشوية زيت البلدية وندخلوها طيب فاش تقرب طيب نخرجوها وندردرو عليها شوية الفرماج محكوك و بالصحة و الراحة

مقادير و طريقة تحضير بسطيلة بدجاج و الفرماج

ناخدو دجاجة القياس لي بغينا تقطع قطع صغيرة ونصبوها نصاب عادي بحال الى غادي نطيبو دجاج مع شرمولة و البصلة
نقطعو البصلة ونديرو سكنجبير و لبزار و قبيطة قزبر و زيت رومية و بلدية و نزيدو شوة الماء نخليوها طيب فاش نحسو بالقطع طابو ديال دجاج ناخدوهم ونخليو البصلة كا تشحر حتى تنشف فاشتنشف نضيفو ليها دجاج لي فرتتنا نضيفوه لديك البصلة حتى ياخود شوية لدة البصلة نخليوها على جنب تبرد شوية
ناخدو وراق البسطيلة نستفوهم فمول عادي ونديرو الفرشة الاولى ديال دجاج ودغميرة من بعد نزيدو تفريشة ديال فرماج كاري سندويتش نديرو تفريشة منو ونسدو عادي وندهنو الوجه ديال البسطيلة وندخلوها طيب فاش طيب نحكو عليها الفرماج وندخلوها تاخد شوية اللون ونخرجوها ونزينو حسب الرغبة و بالصحة و الراحة

لالة مولاتي سعاد من تزنيت تقدم بسطيلة بشعرية ديال سفة - بريوات بشعرية صينية

مقادير و طريقة تحضير بسطيلة بشعرية ديال سفة

كيلو لاروب شعرية مفورة ديال سفة ديك رقيقة مفورة و مرشوشة بالحليب ماشي الماء في الاخير نديرو فيها معلقة زبدة و القرفة و شوية سكر نخليوها على جنب ناخدو دجاجة نصبوها نصيب البسطيلة و شوية زعفران حر و ليبزار و ملح و شوية زيت و 2 كيلو بصلة مقطعة مشنفة و شوية معدنوس نشحروها ونزيدو عليها ديك 2 كيلو بصلة لي شنفنا نخليوها حتى طيب ونهزوها نخليوها حتى تبرد ونقطعوها طريفات ونفرتتوها ناخدو ديك دغميرة نبقاو نحركو فيها بمعلقة خشبية و نخليوها تختار مزيآن ونزيدو عليها 3 معالق سكر و نزيدو شوية القرفة حتى توقف تولي قهوية
و عدنا نصف كيلو اللوز نصف ديالو مطحون مع مسكة حرة و شوية سكر و زبدة دايبة ونخليوه على جنب
شعرية لي فورنا ناخدوها ونخدو 7 بيضات نطربوهم ونخلطوم مع شعرية
ناخدو لمول ونفرشو ورق اليمينيوم ونفرشو من فوقو ورق الزبدة و نخويو نصف من شعرية ديال السفة نصاوبوها بحال الى درنا ورقة البسطيلة نطلعوها شوية من جناب ونخويو دغميرة ونزيدو من فوق دجاج ومن فوق دجاج نخويو الباقي من الشعرية نقاد كولشي مزيان ونغطيوها وندخلوها طيب فاش نحسوبها طابت نعريو عليها الوجه نخليوها تحمر

مقادير و طريقة تحضير بريوات بشعرية صينية

ناخدو القيمرون اتشحر مع معلقة زبدة ونصفيوه لحقاش كاي طلق الماء وداك الماء غادي نحتاجوه هو فاش غادي نصلقو شعرية بعد ما نزيدو عليه كاس ماء ديال العنبة باش تطلق تة القمرون
ناخدو نصف حامضية مصيرة نقطعوها رقيقة مزيان
ناخدو كاس عنبة ديال زيتون بلا عضم
2 معالق ديال المعدنوس
شوية ابزار
شوية تحميرة حارة
معلقة هريسة
معلقة زبدة 

ناخدو كولشي هادشي نديروه في اناء ونخلطوه مع القمرون و شعرية صينية و كاس الفرماج
ناخدو الورقة نخدو شوية من الحشوة ومن فوق الحشوة نديرو 

الفرماج ونبقاو نلفو نطيبوها في الفران و بالصحة و الراحة 

لالة مولاتي لطيفة من الدار البيضاء تقدم دجاج المناسبات

مقادير و طريقة تحضير دجاج المناسبات

فغسيل الدجاج نغسلووه ونقيوه من شحمة ونحكوه مزيان بلملح فاش نكملو العدد ديال الدجاج نغسلوه ونجيبو بانيو نديرو فيه دجاج و نحكو فيه الحمامض في الحكاكة الغليضة بالقشرة بكولشي ونجيبو طريفات البصلة و الخل و الملح و عود سكنجبير نحكوكه ونبقاو نفركو حتى نشوفو داك دجاج بياض ونبقاو نفركو ونغسلو
في الاخير نمرمدوه فدقيق حتى نكمول كاع دجاجات نخليوه شويةعاد نشلوه ونخلليوه اتسقطر ونحضرو ليقامة ديالو فيها
قزبور ومعدنوس و تومة و ليبزار ابيض و اسود و سكنجبير و بسيبيسة و خرقوم بلدي و زعفران و لبلبة حامض ولحامض معصر شوية سنيدة و سمن نخلطو هادشي كامل فشي اناء ونمرمدو داك دجاج مزيان فديك ليقامة دخل ليه ونربطو دجاجات نديرو في طنجرة على الصدر دياو و نعصرو من الفوق الحامض ونبيتوه ونخليوها حتال صباح فاش نبغيون نصبوه نشعلو عليه حتى اتقلا عاد نزيدو البصلة و زيت مروزية و البلدية ونبقاو نتقبوه مرة مرة فاش اطيب هزوه نحيدوه نخليوه حتى ابرد شوية عاد نحيدو ليه الخليط ونخليوه في لاطة
نمشيو للطنجرة لي درنا فيها المرقة كا طيب
غادي تكون عدنا البصلة مشلضة مضحرة في زبدة عاد نديروها في المرقة ونزيدو قشيوشات دجاج و زيتون و الحامض اكون طايبين بوحدهم و ناخدو كاسرونة نديرو فيها شوية عسل و سمن و زعفران ونسخنوه على العافية شوية وندهنو بها دجاج
وندخلوه اطيب فاش اطيب نقدموه مع لمريقة ومزين بزيتون و الحامض و بالصحة و الراحة

لالة مولاتي غزلان من طنطان تقدم  البسبوسة - شلاظة بلمقارونية مرولية - مايونيز

مقادير البسبوسة

- نطربو باليد 4 البيضات
- زلافة قل سكر سنيدة
- زلافة لاروب زيت
- كاس حليب عنبة
- قبصة ملح
- معلقة كبير مرقة
- زلافة كبيرة اللوزمطحون بالقشرة
- زلافة سميدة رقيقة
- 3 خمارت
- شوية القرفة

طريقة تحضير البسبوسة

 

نخلطو كولشي ونديروها فمول مدهون مربع ونكبوها وندخلوها للفران ونخرجوها نسقيوها بالعسل مع ماء زهر وناخدو شوية اللوز مهرمش نرشوه من الفوق عاد نقطعوها مربعان و بالصحة و الراحة الى مكانش العسل نديرو الماء و سكر سنيدة

شلاظة بلمقارونية مرولية

زلافة المقارونية نصلقوها مع شوية ملح و شوية زبدة وورق سيدنا موسى حتى تصلق نصفيوها ونخليوها تبرد ونزيدو معها خيزو محكوك و كروفيت مشحر مع شوية زبدة و زيتوناسود مقطع و الخس مخلطع و طون و الفرماج لي عندك وتقدميها مع مايونيز

مايونيز فيها
بطاطة مصلوقة مع تومة حتى تصلق مزيان مزيان ونخلطوها مع صفار بيضة مع زيت
نخلطوها مع شلاظة كات جي زوينة

لالة مولاتي ام مهدي من اكادير تقدم نصائح

-  الى بغينا نقليو الحوت بدل مان نوسخو ايدينا بدقيق ....ناخدو غير بلاستيكا نديرو فيها تحمميرة ودقيق و ننخلطو فديك البلاستيكة حتى اتخلط نهزو نسوسو ونقليوه مباشرة
-  داك طحين لي بقا لينا من قلي ديال الحوت نديروه فبلاستيكة وندخلوك لكونجيلاتوغ وفاش نبغيو نستعملوه نجبدوه ونستعملوه

لالة مولاتي عطيفة من اكادير تقدم كيكة القرفة و ثمر

مقادير كيكة القرفة و ثمر

طريقة تحضير
- كاس ثمر مقطع
- كاس وربع طحين
- نصف كاس سنيدة
- 3 بيضات
- نصف كاس زيت
- 1 خمارة
- نصف معلقة بيكارونات صودا
- شوية ملح
- كاس حليب
- ربع كاس ماء سخون
- معلقة ص قرفة

طريقة تحضير كيكة القرفة و ثمر

نخلطو المواد الجافة لي هي طحين و الملح و الخمارة و بيكاربونات و القرفة
و في الخلاط نديرو الحليب و ماء سخون وثمر نخلطو مزيان حتى انساجمو عادنزيدو البيض و سكر و زيت نخلطو كولشي
في اناء ندير داك طحين نزيدو عليه المواد الاخرى لي طربنا ونخلطو بملعقة خشبية و من بعد نزيدو كاس الكركاع مهرمش ونديروه في مول مدهون ندخلوها للفران درجة الحرارة 180 حتى تحمر من التحت عاد من الفوق فاش نخرجوها نعملو ليها
كاس سنيدة فوق العافية حتى اتحمر نزيدو عليه قطعة زبدة و نحركو ونزيدو عليه لاكريم فريش مع تحراك باش ماي قساح لينا خصنا نحركو ونخويوه على الكيكة ونديرو الكركاع من الفوق و بالصحة و الراحة

Medradio Lala Moulati , Sanae Kinani , Lalamoulati Site , Lala Sana , Lalamoulati

المزيد من وصفات لالة مولاتي :

• حلويات مغربية رغيفات معسلين بالصور
• وصفة طبيعية لفتح الشهية من وصفات حورية من المحمدية إختصاصية التجميل
• وصفة خالتي كنزة لإزالة الكريشة من ميدراديو
• وصفة سهلة لإزالة البطن من وصفات لالة مولاتي