وصفات الدكتور جمال الصقلي العلاجية Jamal Skali

في هذا الموضوع حاولنا تلخيص بعض وصفات الدكتور جمال الصقلي العلاجية ، وصفات طبيعية مجربة و فعالة من عند الدكتور جمال الصقلي خبير الأعشاب و الطب البديل.

Jamal Skali , Dr Jamal Skali , docteur jamal skali

وصفة الدكتور جمال الصقلي لعلاج نزيف اللثة وما يسببه من رائحة كريهة في الفم :

الحالة خروج الدم من اللثة للي كيعطي ريحة خايبة

الوصفة :

في كاسرونة نعملو 2 حفنات ديال الجعدة + حفنة ريحان + حفنة السالمية + حفنة الزعتر + نص حفنة قشور الرمان + الرميمينة (الا مكانتش ماشي مشكل لأن معندهاش اهمية كبيرة) + العفصة + مرددوش + أزير + بابونج

الطريقة :

نطبخوهم مزيان حتى يعطينا محلول مركز
(مثال الا عملنا 3 لترات ماء خاص يبقى 2 ليترات فقط)
نصفيوهم، ونزيدو عليهم ربع كاس خل اي نوع من الخل، ويتشلل الفم بهذا المحلول في جميع الاوقات في الصباح والمساء حتى 9 دلمرات في اليوم

توضيح :

- الجعدة او الجعيدية: هي نوع ديال لخزامة
- الرميمينة: للي هي النوارة ديال الرمان

وصفة الدكتور جمال الصقلي للتخلص من البطن سواء بسبب الدهنيات المتراكمة فيها، او بسبب الغازات :


الحالـــة بــــروز البطــــن "الكرش"


الوصفــة :

قعقلة + الحلحال + زعيترة + الكروية + مرددوش + أزير + السالمية +
نستعملو نفس المقدار من كل عشبة


الطريقـــة :

ناخذو نصف معلقة قبل وبعد كل وجبة يعني في الفطور والغذا والعشا
هي 6 مرات في اليوم

- الوصفة صالحة لأمرين :

1- نصف معلقة قبل الماكلة غيفيدنا باش نزولو الكرش
2- ونصف معلقة بعد الاكل لطرد الغازات والتخمار


توضيـــح :

الحلحــال: نوع من خزامة، كيقلولو ايضا الخزامة دلكبالة.

وصفة الدكتور جمال الصقلي لعلاج الحلاقم "إلتهاب الوزتين" :

الوصفــة :

عصير الحامض + ماء دافئ + مسحوق عود قرنفل + رأس ملعقة قرفة

الحالة :

إلتهاب الوزتين

الطريقة :

نأخد عصير الحامض نزيدو عليه ماء دافئ نزيدو عليه قرنفل و القرفة.

كيفية الاستعمال :

يأخذ هذا المحلول ويمضمض(المضمضة) قبل النوم.

وصفة الدكتور جمال الصقلي لعلاج ألم المفاصل :

الحالـــة :

آلام المفاصل: الحريق في الركابي خصوصا عند صعُـود الدُّرج


الوصفـــة :

كاس زيت البلدية + ملعقة صغيرة سكنجبير + نص ملعقة ابزار


الطريقـــة :

ناخدو جميع المقادير وندفّيوهم، ثم ندهنو بيهم الركبة
3 مرات يوميا، في الصباح والعشية والليل لمدة 3 أيــام


ضــروري الاستمرار في استعمال الوصفة لمدة 3 أيام مُتتابعة
واخا يمشي الحريق في النهار الاول او الثاني لازم نكملو المدة المُحدّدة

هذا الموضوع يشمل بعض وصفات جمال الصقلي العلاجية فقط للمزيد من الوصفات من هنا وصفات الدكتور جمال الصقلي .