وصفة سحرية للكرش "حتى للحوامل"

لعيون أحلى زوار موقع لالة سناء وصفة سحرية للكرش "حتى للحوامل" .


أولا أنا أم لبنتين رائعتين ملك و ألاء الفرق بيناتهم 1 عام،يعني كرشي المسكينة مآتسراحتش……و عادي تكبر و تولي سابقاني.هيييييييييييييي غي كانضحك أنا كنت سپورتيڢي غي كانولد و نتجمع شوية كاندير لا سالي ذايروبيچ و نصيحة للحاملات دهنوا كرشكم طول فترة الحمل و أحسن زيت هي زيت اللوز و زيت أركان . تفاديا للتمزق اللي أبدا ما كاتحيدش فقط يمكن يبهات اللون ديالها شوية...+.اللي والدة طبيعي تحزم كرشها 40 يوم كاملة ما تعكزش.و كرش الولادة ما غاتبقاش نهائيا.و الشحمة لي بقات مع الرضاعة غا تمشي...


طولت عليكم........مشيت مع الحاملات الله يفكهم على خير.


الوصفة ياك؟؟


يوميا فالصباح شرب كاس كبير ماء دافي


وسط النهار كولي كيف ما بغيتي.......هاذي أحسن حاجة فهاد الوصفة


الماكلة تحبسيها معه 6 ساعات .


لعشا تفاحة خضراء حتى لاثنين إلى ماقدرتيش تصبري للجوع. و كاناكد على الماكلة تحبس مع 6 ساعات


فالنهار ديري سمطة د الكرش وأنتي كاتشقاي {سونه }. أو دهني كرشك بخل التفاح و دير فيل د الماكلة.


الرياضة بيني و بينكم كانغش فيها حيت كانعيا او والو نفس الكرش و نفس الشحمة، الشطيح حسن منها كايفيني لاتاي.بصح كانقوليكم ..


كرشي متوسطة و النتيجة بانت ليا على 2 أسابيع . كرش مجبدة و داخلة  + معدة الحمد لله صحيحة و أهم حاجة كاناكل داكشي لي بغيت.ايوا شنو بغيتو الماكلة و الشطيح خاصنا دابا التطبيق.