تحضير كيكة معسلة اروع ما يكون

السلام عليكم و مرحباً بزوار موقع لالة سناء الأحباء اليوم نقدم لكم طريقة تحضير كيكة معسلة بالخطوات المصورة ، حلويات مغربية شهوة منها كيكة معسلة سهلة و لذيذة تستاهل اذواقكم الحبيبات ..

مقادير و طريقة تحضير كيكة معسلة بالصور

مقادير كيكة معسلة

3 بيضات

2 كيسان صغار زيت أو 2 عنبة ماعامرينشي

2 كيسان صغار حليب

2 كيسان صغار ونصف سنيدة

رابعة كاوكاو محمر (أنا نسيتو وتحمر بزآاف ) ومقشر ومطحون نخليو منو حفينة مهرمشة للتزيين

2 خميرات حلوى

2 كيسان دقيق ـ ملح

طريقة تحضير كيكة معسلة

كناخدو الزيت و الحليب و السكر و 5 ملاعق كبار من مسحوق الكاوكاو ونضربوهم فمولنكس حتى يرجع خاتر….ناخدو كاس من هاد الخليط ونحتافظو بيه في الثلاجة للتزيين

الكريمة لي بقات فالخلاط كنزيدو عليها 3 بيضات و نخلط الكل

في إناء آخر كنجمعو لي بقا من مسحوق الكاوكاوـ ماشي لكاس لي فالثلاجة ـ و2 كيسان الطحين و الخميرة و الملح ونزيدو عليه خليط الكريمة و البيض لي فالخلاط

ونخلط بملعقة خشب تم نكبوه فمول دائري أو مربع لي موجود

تم ندخل المول للفرن مدة 40 دقيقة 

ملي يطيب كنقسموه على 2 بخيط وكندهنوه بكاس الكريمة لي فالثلاجة كما هو موضح في الصورة

ونغطيوه بالنصف الآخر ولي بقا شوية من لكريمة أو غي بكونفتير ندهنو الوجه ونرشو كاوكاو مهرمش

ثم ندخل الكيكة المعسلة إلى الثلاجة يبرد وهاهو وجد بصحتكم و راحتكم